Catatan Yusuf

  Pela deng Gandong Salam deng Sarane Masjid dan Gereja Seram Ambon Buru Banda Lease sampe ka Tenggara Katong tetap basodara Katong satu Maluku Alifuru Katong satu, satu ina, satu mama, satu ibu Ale deng Beta hidop berdampingan su dari dolo Jang dengar orang pung carita bodo bodo La mulai angka parang deng bom kaya dolo dolo Cukupp juaa siooo mae katong baku polo  Inga jua kaka ee Beta Salam ale pung Pela Ale Sarane beta pung gandong Mae katong sama sama jaga katong budaya Pela Gandong Karna Pela Gandong yang pernah padamkan api yang menyala nyala di balik pertokoan AY Patty Karna Pela Gandong yang pernah hentikan bunyian bom dan tembakan dari ujung senjata api Stopp jua jang katong baku maki Siooo kaka jantong hati Adi sayang kaka paskali Yusuf Fesanlauw Ambon, 14 April 2019

Sapalewa Sayang Sioo Sapalewa Sayang Sapalewa seng sandiri Sayang Masih ada Tala Eti di balakang Masih ada Bobot deng Masiwang par baku bantu dalam setiap doa Sio Sapalewa Sayang Sapalewa mulai terluka Dong mulai datang mo rampas tana Jang kas bodoh Katong orang sodara Itu Katong pung harta Jang dong ambe paksa Tolong mangarti jua Sio Sapalewa Sayang Kamareng kali Tala mangamuk Putus abis jembatan Waikaka Tagal dong yang rakus harta Sampe Katong rakyat yang menderita Tolong mangarti jua Sio Sapalewa Sayang Mae Manawa Mapina Urana Wawina Mahina Mare Katong berjuang lawan dong yang pung uang Sio Sapalewa Sayang Mari jaga Hati Jaga Pusaka Jaga Tanah Jaga Ina, jaga Ama Jaga Ina Ama Angka hati par Upu Lahatala Pasawari panggel orang tatua Angkat Sumpah Jang jadi Sampah Sei Hale Hatu, Hatu Lisa Pei Sei Lesi Sou, Sou Lesi Ei Mae Saka Mese Maluku Saka Mese Nusa Ina Mena Muria Yusuf Fesanlauw Bula, 25 Oktober 2020 #tolak_tambang_marmer

Mahina Maluku Ale dong tuh mahal macam Emas di Gunung Botak Macam Nikel di Halmahera Berharga macam minyak bumi di Bula Cantik macam Mutiara di kepulauan Aru Wangi macam minyak kayu putih di pulau Buru Mahina Maluku  Mar Ale labe cantik deng manis kalo sarong Kabaya deng konde Manyala dikapala bukan deng calana di atas paha deng baju kas tunju pusa Karna itu bukan Katong budaya Bukan Manawa pung salera Mahina Maluku Ale dong seng perlu goyang di muka kamera Seng perlu goyang kas tunju dada Par getarkan penjuru Nusa Ina Par mo bkg orang² terpanah Seng perlu joget joget di tiktok Par mo bkg orang manganga Cukup badiri di muka rumah pusaka Badiri pegang lengso la Manari rangkul Manawa pung tangan lalu dong balompat katareji sampe pagi Itu saja su cukup par biking Katong jato hati Ingat Ale tuh Berharga🌹 Yusuf Fesanlauw Ambon, 22 Maret 2022

  Assalamualaikum warahmatullahi wabarakatuh kawan kawan Perkenalkan nama Beta Yusuf Fesanlauw Pelu Bt bukan seorang Sastrawan handal atau pun Seniman Jadi di dalam Blog ini Beta hanya menuliskan kata kata yang Beta rangkai menjadi sebuah kalimat kalimat yang menurut bt menarik untuk di Post Jadi kalau kawan kawan kurang suka atau apa lah itu, silahkan di Skip yah wankawan🙂 Tulisan tulisan yang Beta buat itu adalah Asli dari buah pikir Beta  Dan kalau bukan, nanti akan di cantumkan nama penulisnya atau pembuatnya Atau kawan kawan ada yang punya tulisan tulisan menarik tentang apa pun itu mungkin bisa berbagi biar beta bisa post juga di sini🙂 Terimakasih kawan kawan sekalian Semoga kita semua selalu di berikan kesehatan dan umur panjang oleh yang maha Kuasa